Stairway To Heaven: Recap

Ang saya saya!!

Sa loob pa rin ng disco house, nagsasayawan ng slow dance sina Jenna at Cholo. Lasing na lasing si Cholo at this time. (Tumutugtog din ang Bogoshipda.)

Then parang naiilang na si Jenna at ayaw na niyang makasama si Cholo. Kaya biglang umalis si Jenna at pinabayaang bumagsak sa dance floor si Cholo. Lumabas na si Jenna sa disco house.

Tumakbo si Jenna palabas hanggang sa mapunta siya sa kalsada. Nagtangka siyang tumawid, pero may paparating palang isang matulin na kotse. Muntik nang masagasaan si Jenna, buti na lang at nakarating siya kaagad sa kabilang side, gumugulong.

Then unti-unti nang bumabalik ang alaala ni Jenna! Naalala ni Jenna ang pagkakabangga sa kanya noong nakaraan, nung binangga siya ni Eunice ng kotse!

Then back to reality, nakita ni Jenna na tumigil ang kotseng nailagan niya. Si Eunice pala ang nagmamaneho!

Bumaba si Eunice at nilapitan si Jenna. Tinitigan ni Eunice si Jenna nang sandali, then umalis na siya uli, sumakay ng kotse, at tuluyang umalis.

Napatulala si Jodi (yup, Jodi!) nang sandali, then tumayo siya at biglang tumakbo. Habang tumatakbo, naaalala na niya ang iba pang bahagi ng kanyang nakaraan.

Naalala na niya ang pagbabalik ni Cholo at ang pagkaway ni Cholo sa kanya just before banggain siya ni Eunice ng kotse. Naalala na rin niya ang kabataan nila ni Cholo, pati ang pagsusuot nila ng kanilang kuwintas sa tabi ng beach, at ang kanilang moments sa airport nung paalis na si Cholo.

Tumakbo nang tumakbo si Jodi, iyak ng iyak. Binalikan niya ang damuhan sa tabi ng bay kung saan sila tumambay ni Charlie noon. Hinanap ni Jodi ang kuwintas na tinapon niya noon.

Eventually, nakita ni Jodi ang kuwintas sa damuhan. Naluha si Jodi. Hinawakan niya ang kuwintas nang mahigpit.

Then tumakbo na naman si Jodi pabalik sa siyudad. Umiiyak at humahagulgol na siya nang malakas…

Meanwhile, si Eunice ay umuwi ng bahay, at nakita niya si Cholo sa loob ng shower room, lasing na lasing, naka-office attire pa pero halos nakahiga na sa sahig, habang nababasa sa ilalim ng shower. Nilapitan ni Eunice si Cholo. Nakita ni Cholo si Eunice at niyakap niya siya, pero sa sobra niyang kalasingan ay napagkamalan niyang Jenna si Eunice. Eunice, nagulat at iyak ng iyak, at sinabing hindi raw siya si Jenna, “Ano na ang nangyayari sa iyo???”. Pero walang pakialam si Cholo, tinawag pa rin siyang “Jenna, Jenna!”. Disappointed na si Eunice at lumabas na ng shower room, iniwan si Cholo.

Si Jodi naman, iyak pa rin nang iyak habang tumatakbo sa sidewalk.

Si Cholo naman, iyak din ng iyak sa ilalim ng shower, halos nakahiga pa rin sa sahig. “Jodi! Jodi!”

Then si Jodi naman, tiningnan niya ang sarili sa salamin, basang basa ng pawis ang mukha. “Ako nga ba si Jodi??”

Kinabukasan…

Si Cholo ay nasa lugar ng carousel, tinitingnan ang finished painting ni Charlie, ang “The Creation”. (Actually hindi sinabi sa show kung ano ang pangalan ng painting, pero kung titingnan niyo yon ay makikilala nyong “The Creation” ang painting. Hahaha!! Si Charlie pala ang nag-paint nun! Akala ko si Michelangelo!! Joke!) Makikita niyo sa painting si God (rendered as an old but powerful, sagely man), kasama ang kanyang mga angels in heaven. Nagmumuni-muni si Cholo habang tinitingnan niya ang painting. Tanggap na niya sa sarili niya na dapat na siyang magising na siya sa katotohanan, as if wala nang patutunguhan ang pagtingin at pagmamahal niya kay Jenna. Hawak hawak ni Cholo ang kanyang kuwintas, naluluha.

Nagpunta rin si Charlie sa carousel at tinitingnan niya ang kanyang painting na “The Creation”.

——-

Si Jodi naman, nakaupo sa sahig, at nagising na mula sa pagkakatulog, lumuluha. Nasa bahay na siya nung mga oras na iyon. Tumingin siya sa damit na naka-hanger sa pader, at napansin niya na may papel na nakadikit sa damit. May message pala na nakasulat sa papel. Ang sabi ay “Magkita tayo sa harap ng painting. — Charlie”.

Meanwhile, si Charlie ay nasa carousel pa rin, nagbabalak nang sabihin ang katotohanan, na naglihim siya at niloko si Jodi. Then maya maya ay pinaaalis na si Charlie ng mga cameraman dahil may magshu-shooting daw malapit sa painting.

Samantala, si Cholo naman ay nasa kanyang office, nakaupo nang nakatalikod sa mesa at nakaharap sa bintana, malungkot, tulala at nakatingin sa kawalan. Nakasampa ang mga paa niya sa base ng bintana. Maya maya, pumasok na ang alalay niya. “Oras na para sa congressional painting”, sabi ng alalay. Tumayo si Cholo at malungkot na naglakad at sumama sa alalay palabas ng office.

Si Jodi naman ay tumatakbo na papunta ng mall. Matao ngayon sa mall kaya nahirapan siyang pumasok.

Meanwhile, si Maita rin ay dumating sa mall at binabati ng kanyang mga kasamahan. Kasama rin kasi siya sa shooting. Then pumasok na siya ng elevator. Pero inabutan siya doon ni Jodi.

Pumasok din si Jodi sa elevator. Dalawa na sila ngayon ni Maita sa loob. Then nag-usap silang dalawa.

Maita: Kumusta ka na, iha?
Jodi: Kayo po, kumusta na?
Maita: Alam mo, di ka nababagay sa trabaho dito. Lumipat ka na lang.
Jodi: Ayoko nga! Bakit ako lilipat??
Maita: Bastos ka pala!
Jodi: Miss Maita?

Hindi makapaniwala si Maita na tinawag siya ni Jenna sa pangalan.

Maita: Ano?? Ano’ng tawag mo sa akin?? Pakiulit iha??
Jodi: Ako ito…si Jodi.

Gulat na gulat si Maita, nabitawan pa niya ang hawak niyang shades (sunglasses).

Jodi: Nakalimutan nyo na ako?
Maita: Hindi…hindi….

Hindi makapaniwala si Maita na nagbalik na ang mga alaala ni Jodi.

Biglang namatay ang ilaw sa elevator. At this moment, naalala ni Maita ang mga pagsampal niya kay Jodi nung bata pa siya.

Then sasampalin na sana uli ni Maita si Jodi, pero nanlaban si Jodi at sinalo niya ang kamay ni Maita. Bumukas uli ang mga ilaw. Then nagbukas na ang pintuan ng elevator at nakita ni Maita ang mga kasama niya sa shooting, tinatawag na siya. Habang papaalis na si Maita, tinitingnan siya ni Jodi.

Then tumakbo na naman nang tumakbo si Jodi papunta sa carousel. Meanwhile sa kabilang dako, si Cholo naman ay naglalakad papunta rin sa carousel, kasama nang kanyang mga alalay at si Eunice. Nagpatuloy ang pagtakbo ni Jodi, at nagpatuloy din sa paglalakad si Cholo.

Eventually, napunta na malapit sa carousel si Jodi. Nakasalubong niya sina Cholo. Nagkatinginan silang dalawa. Malungkot ang mukha ni Cholo. Insecure naman si Eunice.

Naglakad si Jodi nang dahan dahan papalapit kay Cholo. At this point, tumutugtog na ang Ang Pag-ibig Ko’y Pansinin ni Faith. Nilapitan ni Jodi si Cholo habang lumuluha. Si Cholo naman ay malungkot na nakatingin sa kanya.

Then halos hinimatay si Jodi. Nasalo siya ni Cholo. Nakapag-usap silang dalawa:

Cholo: Bakit, Jenna? Ano’ng nangyari?

Lumuluha si Jodi, tinitigan si Cholo.

Eunice: Cholo, maraming taong nakakakita (sa iyo)!

Then umalis na sina Cholo at nagpatuloy sa paglakad. Lumingon si Jodi kay Cholo.

“Ako si Jodi.”

Napalingon si Cholo kay Jodi, mukhang narinig niya si Jodi. Pero mukhang hindi ito pinansin ni Cholo, apparently hindi niya pinaniwalaan si Jodi. Nagpatuloy lang si Cholo sa paglakad, iniwan si Jodi.

Stairway To Heaven: Recap

From the last episode, pilit binigay ni Jenna ang mga scarf kay Eunice sa loob ng kotse…

Umandar na at umalis ang kotse na sakay nina Cholo’t Eunice. Naiwan si Jenna doon, hawak hawak ang kahon na may singsing na binili niya para kay Charlie.

Meanwhile, doon sa bahay, tinitingnan ng tatay ni Charlie ang mga paintings ng anak niya, habang kau-kausap naman niya sa cellphone ang isang tao na naniningil sa kanyang utang. Nape-pressure na ang tatay na magbayad ng utang. Pagkatapos ng conversation, tinitigan niya uli ang mga paintings ni Charlie, at may naisip siyang paraan…

Maya maya, may isang lalaki na tumitingin ng paintings ni Charlie. Humanga ang lalaking ito sa paintings ni Charlie, dahil pambihira daw ito. Kaya pinamigay ng tatay ni Charlie ang mga paintings na may kapalit na halaga. Tinanong niya sa lalaki kung magkano ang ibabayad niya. Sabi ng lalaki na babayaran daw niya ng ten million wan (ang “peso” sa Korea). Pero humirit ang tatay at nakiusap sa lalaki na doblehin daw niya ang bayad. Kaya binayaran siya ng lalaki ng twenty million wan.

Later on, dumating na sa bahay si Charlie. Napansin niya na maraming handang pagkain ang tatay. Di alam ni Charlie kung saan kinuha ng tatay ang pinambili ng pagkain. Huwag na raw magtanong, sabi ng tatay. Kumain na lang daw sila.

Dumating naman si Jenna at nakita sina Charlie at ang kanyang tatay na nagkakainan. Masarap daw ang pagkain, sabi ni Jenna. Birthday daw kasi ng lola ni Charlie, sabi ng tatay. Then naki-join na rin si Jenna sa pagkain. Maya maya, napansin ng tatay ang singsing na binili ni Jenna para kay Charlie. Di pala alam ng tatay na engaged na pala sina Jenna at Charlie. Pero nag-galit-galitan ang tatay at sinabing ayaw niyang ma-engage silang dalawa. Ang gusto niyang mangyari ay … ang makasal na sila!! Nagtawanan silang lahat at nagpatuloy ang pagkain. Sabi ng tatay na, pag nagpakasal na silang dalawa nina Jenna at Charlie, huwag daw siyang kakalimutan at alagaan daw nila siya. Nagkatuwaan uli sila at tuloy na naman ang kainan.

Later on, naglakad sina Cholo at ang mga alalay niya papunta sa mall. Nakita niya sa loob ng department store sina Charlie at Jenna, mukhang masayang nag-uusap. Upon seeing them, pina-cancel ni Cholo ang pending activity nila ng mga alalay niya. Dumaan lang sina Cholo malapit sa kanila. Di sila napansin nina Jenna’t Charlie.

Sa office, nakasalubong ni Jenna si Cholo. Binati ni Jenna si Cholo ng “Good morning”, pero hindi siya kinausap ni Cholo. Mukhang masama ang loob ni Cholo kay Jenna. Pumasok na si Cholo sa mismong office niya.

Nandun lang si Cholo sa office niya. Di siya mapakali. Umupo. Tumayo. Umupo uli sa tabi ng bintana. Tumayo na naman. Naglakad. Humawak ng papel. Nakaka-ilang posture na siya, pero di pa rin siya mapakali.

Meanwhile sa office, kinumusta si Jenna ng friend niya. Kinumusta rin ang samahan nila ni Charlie. Then pumasok ang iba pa nilang officemates, at nagbalita sila kina Jenna na pinag-o-overtime daw silang lahat ni Cholo. Wala raw aalis kaagad. Nandun din si Eunice at nagkatinginan sila ni Jenna. Inirapan ni Eunice si Jenna, sabay ngiting “Hmmp”.

Maya maya sa restaurant, kumain sina Cholo at lahat ng kanyang staff. Magkahiwala ng mesa sina Cholo at Jenna. Tingin lang ng tingin si Cholo kay Jenna. Later on, biglang nag-decide ni Cholo na magkaroon sila ng celebration. Pinapili ni Cholo ang kanyang mga staff kung saang disco house nila gustong pumunta. Tuwang tuwa ang mga staff. Then umalis muna pansamantala si Jenna at lumabas ng restaurant. Sinundan naman ito ng masamang tingin ni Eunice, although pilit pa rin niyang ngumiti. Maya maya, biglang nag-ring ang cellphone ni Eunice at may tumawag sa kanya. After her conversation, nagpaalam siya bigla kay Cholo at makikipagkita lang daw siya sa kausap niya sa labas. (Pero apparently, fake lang ang pag-ring ng cellphone ni Eunice, nagpapanggap lang siya na may kausap pero gusto lang pala niyang sundan si Jenna sa labas, at ayaw niyang ipaalam ito kay Cholo…)

Umakyat si Charlie sa second floor ng office ng Safe Mall. Nasa labas naman ng restaurant si Jenna, at tinawagan niya si Charlie. Sabi ni Jenna na medyo male-late daw siya sa pakikipagkita sa kanya.

Meanwhile, habang nakikipag-usap si Jenna sa cellphone, lumabas na si Eunice ng restaurant at pinuntahan siya. Sinusundan naman siya ni Cholo. Pagkatapos nilang makita-kitang tatlo, pinaalis na ni Cholo si Eunice. Malungkot na napatingin si Eunice kay Cholo.

Maya maya, nasa loob na silang lahat ng isang disco house. Kinukulit ng isang ka-officemate ang friend ni Jenna habang nagsasayaw. Nandun lang si Jenna, nakatayo lang at ayaw magsayaw. Pero pilit siyang pinagsayaw ng kanyang friend at hinila siya sa gitna ng mga tao sa dancing floor. Maya maya, nagsasayaw na rin si Jenna. Ang sayaw niya ay yung same na makembot na sayaw niya kay Charlie noon. Nagsasayawan na silang lahat sa dance floor. Pero nandun lang si Cholo, nakaupo at pinanonood sina Jenna magsayaw.

Later on, nagkatuwaan na silang lahat. Nagkaroon sila ng isang game na parang “truth or consequence”. Sasali raw dito si Cholo. Nandun lang si Jenna, walang kibo. Pinaikot ang bote, at tumuro ito kay Jenna. Napatingin si Cholo kay Jenna.

Pinalipat ng puwesto si Jenna, at pinatabi sa kaliwa ni Cholo. (So therefore, nasa kanan ni Jenna si Cholo.)

Ang rule ng game ay, paiikutin ang bote, at kung sino man ang natapatan ng boteng iyon ay either kailangang humalik nang lips-to-lips sa kanyang katabi sa right, or iinom siya ng alak. (Recall that Cholo is on Jenna’s right.)

Eventually, tumuro kay Jenna ang umiikot na bote. So therefore, either kailangan niyang halikan si Cholo sa lips, or uminom na lang siya ng alak. Pero ang nangyari ay dinepensahan ni Cholo si Jenna at sinabing hindi raw puwedeng manghalik si Jenna. At imbis na si Jenna ang iinom ng alak, kinukuha ni Cholo kay Jenna ang basong may alak, at siya na lang ang umiinom. So far, dalawang beses nang nangyayari ito kay Jenna.

Meanwhile at the office of the Safe Mall, nakita na lang ni Charlie ang mga paintings niya na naka-display sa gallery. Nandun din sina Eunice at Sol (nanay ni Cholo). Tinitingnan nila ang paintings ni Charlie. Pero malalaman natin sa conversations nilang dalawa na may isang artist daw na gumawa ng paintings na iyon, at ito ay hindi si Charlie.

Paglabas ni Eunice sa building, bigla siyang sinunggaban ni Charlie. Sinabi ni Charlie na hindi totoong ibang artist ang may gawa ng mga paintings kundi siya. Si Charlie daw ang may gawa lahat ng paintings na yon. Then pinatatanggal niya kay Eunice ang mga paintings. Pero pumalag lang si Eunice at dali daling sumakay ng kotse. Umalis na kaagad ang kotse, at iniwan si Charlie doon

Back in the disco house, lasing na lasing na ang friend ni Jenna. Kasayaw na niya ngayon ang officemate na nangungulit sa kanya. Pinauuwi na ni Jenna ang friend niya. Meanwhile, naglalasing naman si Cholo, nag-iisa.

Maya maya, lasing na lasing na si Cholo. Gumegeywang na siya sa paglalakad, at nakabangga pa ng mga waiter na may dalang mga bote. Nakakabangga rin niya ang ilang mga babae.

Naglakad si Cholo papunta kay Jenna, at tuluyan nang bumagsak ang katawan niya. Sinalo siya ni Jenna. Sinabi ni Cholo kay Jenna na huwag daw siyang aalis, dahil hindi na raw niya kaya. Di na raw niya kayang mawala si Jenna sa kanya. Then naiiyak na naman si Cholo. Sabi niya, “Sa palagay ko… Palagay ko, mahal na kita.” Naluluha na rin si Jenna. Niyakap na ni Jenna nang mahigpit si Cholo. Then sabi ni Cholo, “Sorry, Jodi”. Apparently, nagsosorry si Cholo kay Jodi na si Jenna na ang mahal niya at hindi na si Jodi, as if magkaibang tao sina Jenna at Jodi.

Then after that , nagpakita na ang ending credits. Kapansin-pansin na mas mahaba ang tugtog ng ending kaysa dati. Ang tumutugtog ay yung <b>Pag-ibig Ko’y Pansinin</b> ni Faith, simula sa first two stanzas, then the chorus, then half of the third stanza…