Stairway To Heaven: Recap

Lumabas na sina Jenna at Cholo ng kuwarto. Pareho silang malungkot at parang ayaw nilang magsabay sa paglalakad. Samantalang pinapanood lang sila ni Eunice, na nanlalaki pa rin ang mga mata sa galit at disappointment as usual.

Sa sala, nagpaalam na si Jenna kina Maita. Umiyak si Maita na parang ayaw niya siyang paalisin. (Ows???)

Sa labas ng bahay, napapatingin na lang si Jenna kay Cholo. Malungkot pa rin silang dalawa. Then naglakad na si Jenna palabas ng gate. Sa labas ng gate, hinanap ni Jenna si Charlie, pero hindi niya siya nakita doon. Naglakad pa si Jenna ng konti, at nakita niya si Charlie na nakaupo sa nearby steps, matyagang hinihintay si Jenna. Niyakap ni Jenna si Charlie at napaiyak. Samantalang si Cholo, nakatingin lang sa labas, malungkot.

Maya maya, kumain ng noodles sina Charlie at Jenna sa kalsada. Parang sarap na sarap si Jenna sa kinakain niya. Nanibago si Charlie, “Jenna, ano ka ba? Ngayon ka lang ba nakakain ng noodles?”. Pero nag-change topic si Jenna, “Oy! Mahal mo ba ako?” Natawa lang si Charlie. Nagtanong uli si Jenna, “Tinatanong kita!”. Nakipag-gimme five lang si Charlie. Then sinabi ni Jenna na hindi raw siya nagkamali sa pagpili ng isang tulad ni Charlie. After that, binigyan na ni Charlie ng singsing si Jenna, at sabay nag-propose: “Will you marry me?”. Nakuha pang biruin ni Jenna si Charlie, “Hindi pa ako handa.”. Pero after that, sinabi kaagad ni Jenna, “Ikaw pala, di ka puwedeng biruin. Siyempre, oo!”.

Nagtakbuhan na sina Charlie at Jenna malapit sa bay. Sumigaw si Jenna, “Charlie!!”. Sumigaw din si Charlie, “Ano??!!”. Sumigaw si Jenna uli, “Mahal kita!!!”. Natuwa si Charlie, kaya pinaulit niya uli: “Ano??!!”. Sumigaw uli si Jenna, “Mahal kita!! Magmula ngayon, kakalimutan ko na lahat ng nakaraan ko!!”

Maya maya, si Charlie naman ang sumigaw, “Jenna!” Sumigaw din si Jenna, “Ano??!!”. Sumagot si Charlie, “Mahal kita!!”. Natuwa rin si Jenna at nagtanong, “Ano??!!”. Sumagot naman si Charlie, “Mahal kita!!”. Then nagkatawanan silang dalawa at huminto sa pagtakbo.

Then tinanggal na ni Jenna ang kuwintas niya. Sabay silang nagbilang ni Charlie, “One, two, three!!”. Binato ni Jenna ang kuwintas niya, at napadpad ito sa damuhan.

Meanwhile, si Cholo ay nasa shower, naliligo. Habang naliligo siya, hinahawak-hawakan niya ang kuwintas niya.

The next day, naglakad sina Cholo at ang mga alalay niya papunta sa mall. Sa loob ng department store, naroon pala si Jenna. Nakita niyang parating na si Cholo, kaya pinagtaguan niya siya. Si Cholo naman, hindi niya nakita si Jenna.

Sa business meeting, nagdi-discuss si Jenna tungkol sa mga latest designs niya ng mga scarfs. Nakikinig si Cholo, pero maya maya ay napansin niya ang singsing na suot ni Jenna. Apparently, sumama ang loob ni Cholo. Maya maya, sinabi ni Jenna na magugustuhan daw ng mga tao ang kanyang design. Pero bigla na lang nagsalita si Cholo at nag-disagree. Pagalit niyang sinabi kay Jenna, “Paano mo nasabi yan?? Naibenta mo na ba yan???”. Biglang tumayo si Cholo at nagtangkang mag-walkout. Pinigilan siya ni Jenna, pero sumagot si Cholo, “Bakit, ikaw ba ang may-ari ng kompanya??”. Then after that, tuluyan nang umalis si Cholo sa meeting. Napahiya si Jenna at natahimik. Kaya naki-simpatya na lang ang friend ni Jenna at pilit kinumbinsi ang ibang staff na nasa meeting, “Pero baka bumenta naman ang scarfs ni Jenna, tutal magaganda naman ang mga design niya, di ba??”

Lumabas na si Jenna sa meeting room, pero hinarang siya ni Cholo sa labas. Hinawakan ni Cholo ang kamay ni Jenna na may singsing. Kinausap ni Cholo si Jenna, nakangiti si Cholo pero parang nagseselos: “Ngayon ko lang nakita yan ah? Engage ka na ba? Congratulations!”. Then biglang nag-ring ang cellphone ni Jenna. Napatingin lang si Cholo sa cellphone. Sinagot ito ni Jenna. Si Charlie pala ang nasa linya. Kinausap ni Jenna si Charlie nang medyo malakas, as if pinariringgan niya si Cholo. Magkita daw silang dalawa ni Charlie at kakain sila sa labas. Medyo napasimangot si Cholo, halatang nagseselos na. Pagkatapos makipag-usap ni Jenna, nagpaalam na kay Cholo at lumakad na paalis. Tinangkang sundan ni Cholo si Jenna, pero nakasalubong niya si Eunice. So si Eunice na lang ang niyaya ni Cholo kumain sa labas, as if gagamitin niya si Eunice sa plano niya. Tuwang tuwa naman si Eunice sa suggestion ni Cholo.

Maya maya, nasa restaurant na sina Charlie at Jenna. Nakapamili na sila ng mesa at umupo na sila sa silya. Pero maya maya, napansin nila sina Cholo at Eunice na dumating din sa restaurant na yon, at pumuwesto pa sa table na katabi nila. Magkatalikod lang ng upuan sina Eunice at Charlie, habang nasa opposite sides sina Cholo at Jenna. Umorder ng pagkain sina Charlie at Jenna, pero ginaya ito ni Cholo at umorder din sila ng pagkain para sa kanila ni Eunice. Napapatingin na lang si Jenna sa ginagawa ni Cholo, parang nagtataka siya. Si Charlie naman, tahimik lang, as if nagi-guilty siya. Samantalang si Eunice naman ay hindi komportable sa puwesto niya, dahil sa pagka-ilang niya kay Cholo at Jenna. Maya maya, talagang di na komportable si Eunice, kaya napalingon siya bigla kay Jenna. Then later on, nakatanggap si Jenna ng whiskey galing sa waiter. Akala ni Jenna na inorder ni Charlie iyon, pero sabi ni Charlie na hindi pa raw siya umoorder ng whiskey. Sinabi ng waiter na galing kay Cholo ang order. Tatanggihan na sana ni Jenna ang whiskey, pero tinanggap ito ni Charlie. Then nag-order din si Charlie ng whiskey, at pinabigay naman niya ito kay Cholo.

Tumayo na si Cholo at nagpunta sa mesa nina Charlie at Jenna. Nag-suggest si Cholo na mag-share na lang silang apat ng mesa. Pumayag naman sina Charlie at Jenna, pero ilang na ilang si Eunice.

Nung kumakain na silang apat sa iisang mesa, kinumusta ni Cholo ang painting ni Charlie. Then napansin ni Cholo na walang suot na singsing si Charlie. Tinanong niya ito kay Charlie kung bakit wala siyang singsing, samantalang engaged na silang dalawa ni Jenna. Sumagot si Jenna na magkaka-singsing din si Charlie pag natapos na ang painting. Pero sabi ni Cholo na ayaw niyang may ibang kahati sa painting, dahil para lang daw kay Jodi iyon. Napag-usapan tuloy nila ang tungkol kay Jodi. Sabi ni Charlie na masuwerte daw si Cholo kay Jodi, Pero sabi din ni Cholo na masuwerte rin si Charlie kay Jodi. Nakialam na si Eunice at binanggit ang tungkol sa pagsasama nina Jenna at Charlie sa iisang bahay. Nainis si Cholo, kaya tumayo siya at sinabing magpa-piano na lang daw siya. Kaya pumuwesto na si Cholo sa piano at tinugtog niya ang tugtog niya para kay Jodi. Tuwang tuwa si Eunice sa tugtog ni Cholo, apparently mukhang nagpapapansin pa nga si Eunice, pero nakatitig lang si Cholo kay Jenna habang nagpa-piano. Ayaw tingnan ni Jenna si Cholo. Maya maya, kapwa naalala nina Cholo at Jenna ang moment nilang dalawa habang nagpa-piano si Cholo sa loob ng bahay sa beach. Nailang si Jenna sa thought na iyon, kaya niyaya na lang niya si Charlie na umalis na sa restaurant. Naglakad na silang dalawa palabas ng restaurant, habang pinapanood lang silang dalawa ni Cholo.

Later on, nasa office na si Cholo, nakahiga sa sopa at nakikinig ng music. Pero di siya mapakali. Maya maya, tinapon niya ang remote control sa inis.

Sa loob ng bar, nakikipagsayaw si Cholo sa ibang babae. Mukhang gustong gusto ni Cholo ang ginagawa niya. Pinapanood lang sila ni Eunice. Maya maya, niyaya ni Cholo ang babae at nagsayaw sila malapit sa mesa ni Eunice.

Then later on, niyaya naman ni Cholo si Eunice at nagsayawan din sila.

After that, nagbago na ang tugtog. Slow sax music na ang tumutugtog. Slow at suave din ang sayaw nina Cholo at Eunice. Naninibago si Eunice kung bakit parang biglang bumait si Cholo. Hinalikan ni Cholo si Eunice sa noo. Niyakap naman ni Eunice si Cholo nang mahigpit sa waist. maya maya, dahan dahan sanang hahalikan ni Eunice si Cholo, pero tumanggi si Cholo. Ngumiti lang siya kay Eunice…

Sumakay na ng kotse sina Eunice at Cholo. Nag-enjoy daw si Eunice. Then nag-change topic si Eunice at sinabi niya na mukhang nahuhuli na sila sa produkto, so kailangan na raw magpalit ng bagong designer. (Currently, si Jenna ang designer.) Sabi ni Cholo na si Eunice daw ang bahala.

Si Jenna naman, nakatulog na habang gumagawa ng design sa loob ng office. Nagising siya at napansin na mukhang napa-overtime siya masyado. Pero napansin din niya na may blazer (coat) na nakabalot sa kanya. Apparently, mukhang naisip niya na kinumutan siya ni Cholo ng kanyang blazer habang natutulog.

Hinanap ni Jenna si Cholo. Nagpunta si Jenna sa mismong office ni Cholo. Wala siya doon at patay ang mga ilaw. Maya maya, nakita niya si Cholo na natutulog sa sopa. Wala kay Cholo ang kanyang blazer. Kaya lumapit si Jenna kay Cholo at kinumutan din siya ng blazer.

Paalis na sana si Jenna, nang biglang may humawak sa binti niya. Si Cholo pala iyon: “Jenna, huwag ka munang umalis…”.